Нұрсұлтан Әбішұлы 1940 жылы 6 шілдеде Іле Алатауындағы Үшқоңыр жайлауында Әбіш пен Әлжан Назарбаевтар отбасында дүниеге келген. Қаскелең қазақ мектебін үздік бағамен бітірген. Содан Теміртауға барып, сол жерден Украинаға домна пешінің машинисі мамандығы бойынша оқуға жіберілді. Колледжді бітіргеннен кейін металлургиялық зауытта жұмыс істеді. Қарағанды политехникалық институтына оқуға түсті. Нұрсұлтан Әбішұлы 3 жыл оқып, оны бітірген соң инженер-металлург дипломын алды. Әрқашан көшбасшы болуға ұмтылысы, адамдарды баурап алып, өзімен бірге жетелеу қабілеті байқалып, бағаланды.
1969 жылдан бастап Теміртау қаласына ұсынылған партия-комсомол жұмыстарына ауысуға келісімін береді. 1972 жылы Қарағанды металлургия комбинатының партия комитетінің хатшысы болып тағайындалды.
1977 жылы Қарағанды облыстық партия комитетінің хатшысы, кейін екінші хатшысы болды. 1979 жылы Нұрсұлтан Әбішұлы Назарбаев Қазақстан Компартиясы Орталық Комитетінің хатшысы болды. 1984 жылы Қазақ КСР Министрлер Кеңесінің Төрағасы – КСРО-дағы одақтық республиканың ең жас, 44 жастағы премьер-министрі. Бірақ, салыстырмалы жастығына қарамастан, ол әбден жетілген мемлекет және саяси қайраткер болды.
1990 жылы 24 сәуірде Қазақ КСР Жоғарғы Кеңесі Қазақ КСР Президенті лауазымын бекітті.
1991 жылы 1 желтоқсанда Қазақстан Республикасы Президентінің бірінші жалпыхалықтық сайлауы өтті, оның барысында Н.Ә.Назарбаев сайлаушылардың 98,7 пайызының қолдауына ие болды. Барлық бұқаралық ақпарат құралдары Қазақ КСР Президенті Н.Ә. «Степной маяк» газетінің 1991 жылғы 12 желтоқсандағы № 239 санында Н.Ә.Назарбаевтың Қазақстан Республикасы Президентін ұлықтау рәсіміне арналған Жоғарғы Кеңестің салтанатты отырысында сөйлеген сөзі жарияланды.
Елбасы Нұрсұлтан Әбішұлы Назарбаевтың басшылығымен Қазақстан Республикасының экономикасында, саясатында және әлеуметтік саласында, оның ішінде Көкшетау қаласында ауқымды реформалар жүргізілді. Осы жақсы жаққа өзгерістердің барлығы Тәуелсіздік жылдарында Елбасымыз Нұрсұлтан Әбішұлының және қазақстандықтардың қажырлы еңбегі мен табандылығының арқасында жүзеге асты.
2010 жылғы 15 маусымда Елбасының мәртебесі Қазақстан Республикасының Президенті Нұрсұлтан Назарбаевқа берілді.
2011 жылы 14 желтоқсанда Қазақстан Республикасының Үкіметі «Қазақстан Республикасындағы мерекелер туралы» заң қабылдады, осыған байланысты біз 1 желтоқсанда тойлайтын «Тұңғыш Президент күні» мерекесі бекітілді.
2019 жылы Тәуелсіз Қазақстан Республикасы үшін жаңа кезең басталды, Елбасы Нұрсұлтан Әбішұлы Назарбаев мемлекет басшысы қызметінен кетті.
2019 жылғы 9 маусымда президенттікке кандидаттардың кезектен тыс сайлауы өтті. 2019 жылдың 10 маусымында ОСК (Орталық сайлау комиссиясы) Қасым-Жомарт Тоқаев Қазақстан Республикасының Президенті болып сайланған сайлаудың нәтижелерін жариялады.
Верность избранному пути урок (PPTX 11013 Kb)
