2011 жылдың желтоқсан айында Көкшетау қаласында Тәуелсiздiк алаңында қаланың орталық бөлiгiн безендiрген және қаланың қалыптасуының, республикамыздың құрылуының iргелi негiздерiн бейнелейтiн және көрсететiн монумент болып табылатын 20 метрлiк Тәуелсiздiк стеласының салтанатты ашылуы өттi. Композицияның ортасында қазақ ою-өрнегiнiң алтын қаңқасында Қазақстан Республикасының Мемлекеттiк Елтаңбасы бейнеленген. Ескерткiштiң тәжiнде алтын бүркiттiң стильдендiрiлген бейнесi бар алтын жапырақ композициясы бар, оның басы мен мойынының контуры бейбiтшiлiк пен тұрақтылық символы — сәулелi күндi жақтайтын қанаттарға бiркелкi айналады. Осы зәулiм ескерткiштiң арқасында көкшетаулықтардың сүйiктi демалыс орны — Тәуелсiздiк алаңы да айтарлықтай өзгердi.

Қаламыздағы осындай айтулы оқиғасына орай «Степной маяк» газетiнде «Қазақстандықтардың қасиеттi құндылығы» атты мақала жарияланды. Ашылу салтанатында Қазақстан Республикасы Парламентi Сенатының депутаты Жабал Ерғалиев пен Ақмола облысының әкiмi Сергей Дьяченко сөз сөйледi: «Стелла тәуелсiз республикамыздың қалыптасуының iргелi негiздерiн бейнелейдi және көрсетедi. Елбасы Нұрсұлтан Әбiшұлы Назарбаевтың «Тәуелсiздiк — барша Қазақстандықтар үшiн аса қасиеттi құндылық!» — «Независимость самая священная ценность для всех казахстанцев!» деген сөзiмен безендiрiлуi бекер емес.

Тәуелсiздiк стеласының арқасында Тәуелсiздiк алаңы айтарлықтай өзгерiп, қала тұрғындарының сүйiктi демалыс орнына, қала орталығының символына, барлық ауқымды және маңызды шаралар өтетiн орынға айналды.