Ведомстволық архивтердi бақылау бөлiмiнiң қызметкерлерi Көкшетацу қалалық архивiнiң дереккөзi болып табылатын мекемелердiң, ұйымдардың iс жүргiзуiндегi iстердi қалыптастыру және ведомстволық мұрағатқа жауапты қызметкерлерiне үш семинар-қеңес өткiздi.

2016 жылдың ақпанында «Көкшетау қаласының мәдениет және тiлдердi дамыту бөлiмi жанындағы «Тiлдердi оқыту орталығы» КММ шақыруы бойынша ведомстволық архивтердi бақылау бөлiмiнiң басшысы номенклатураны құрастыру және жүргiзу, iстердi қалыптастыру бойынша баяндамамен iс жүргiзу сұрақтары бойынша семинар-кеңеске қатысты. Сонымен бiрге, бөлiм жұмысының жоспарына сай құжаттарды ресiмдеу, iстер номенклатурасын құрастыру, ұйым iс жүргiзуiндегi iстердi қалыптастыру және ведомстволық сақтау сатысында олардың сақталуын қамтамасыз ету сұрақтары бойынша «Көкшетау қаласы әкiмiнiң аппараты» ММ-де қала әкiмi аппараты мен оның ведомстволық бағынысты мекемелерi қызметкерлерiмен семинар-кеңес өткiзiлген болатын (Краснояр селолық округi, Станционный поселкесi әкiмдерiнiң аппараттары; экономика және бюджеттiк жоспарлау; қаржы; iшкi саясат; дене шынықтыру және спорт; мәдениет және тiлдердi дамыту; жұмыспен қамту және әлеуметтiк бағдарламалар; кәсiпкерлiк; ауыл шаруашылық; ветеринария; жер қатынастары; ТҮКШ, жолаушылар көлiгi және автомобильдi жолдар; сәулет және қала құрылысы; құрылыс; бiлiм беру), № 1 ОМГ негiзiнде бiлiм беру бөлiмi және оның ведомстволық бағынысты мекемелерiмен (мектептер, бала бақшалары).