Қазақстан Республикасы Үкiметiнiң 2020 жылғы 22 желтоқсандағы № 874 қаулысымен «Архивисттер күнi» кәсiби мерекесi белгiлендi.

2021 жылғы 22 желтоқсанда Ақмола облысының мәдениет, архивтер және құжаттамалар басқармасымен Архивисттер күнiн мерекелеуге арналған салтанатты жиын өттi. Тәуелсiздiктiң 30 жылдығына орай және архив iсiн дамытуға қосқан елеулi үлесi үшiн Ақмола облысы архивiнiң бiрқатар қызметкерлерi, соның iшiнде Көкшетау қаласының мемлекеттiк архивiнiң қызметкерлерi марапатталды. Басқарма басшысы Айгүл Баубекқызы Сәбитовамен Қазақстан Республикасы Мәдениет және спорт министрi А. Райымқұлованың атынан директордың орынбасары Күләш Еслямбекқызы Хасеноваға Алғыс хат, ақпарат және құжаттарды пайдалану бөлiмiнiң басшысы Аида Сериковна Тiлеубергеноваға Құрмет грамотасы табыс етiлдi.

Көкшетау қаласының мемлекеттiк архивiнiң ұжымы әрiптестерiн лайықты марапатымен құттықтайды.