Көкшетау қаласының мемлекеттiк архивi коронавирустық инфекциямен күресу кезеңiндегi жауапты қызметтердiң жұмысын бейнелейтiн фото коллекция құжаттарынан «Өмiрде ерлiкке әрқашан орын бар» атты фотоқұжаттық көрмесiн дайындады. 2020 жылдың 16 қарашасында бұл көрме Қ.Құрманбаев атындағы Ақмола облыстық фтизиопульмонология орталығында орналастырылды.

Бұл фотоқұжаттық көрме коронавирус эпидемиясымен жанқиярлықпен күресетiндердiң, адамдардың денсаулығы мен өмiрiн қорғайтындардың барлығына, соның iшiнде Қ. Құрманбаев атындағы Ақмола облыстық фтизиопульмонология орталығының қызметкерлерiне арналған. Жұқпалы аурулар бөлiмiнiң бiрнеше ауысымындағы медициналық персонал, денсаулығына қауiп төндiргенiне қарамастан, науқастарға тәулiк бойы көмек көрсетуде.

Көрменi қарап шыққаннан кейiн облыс орталығының қызметкерлерi осы көрме туралы өз пiкiрлерiн Мемлекеттiк архивке жолдады.