Әрбір қазақстандықтың санасында Конституция күні Қазақстан Республикасы Конституциясының қабылданған тарихи күнімен байланысты. 1995 жылы 30 тамызда республикалық референдумда Қазақстан Республикасының Конституциясы қабылданып, мемлекетіміздің дамуындағы бетбұрысты кезең болды. Конституцияның ең жоғары заңды күші бар және Республиканың бүкіл аумағында тікелей әрекет етеді.

Азаматтардың құқықтары мен бостандықтарының ең жоғары құндылығы деп жариялаған Конституция еліміздің табысты дамуының негізі болып табылады, біздің қоғамдағы саяси, экономикалық және әлеуметтік тұрақтылықтың сақталуының кепілі болып табылады.

Бүкіл халық қабылдаған біздің өркендеуіміздің басты құжатына айналған Ата-ана заңын құрметтеу біздің міндетіміз және парызымыз. Қазақстанның әрбір азаматы еліміздің Негізгі заңының рухы мен маңызын, Конституцияның қалыптасу тарихын жақсы білуге тиіс. Конституцияны құрметтей және сақтай отырып, оның тарихы мен маңызын сезіне отырып, біз өз елімізді, Отанымызды, тарихымызды, құндылықтарымызды құрметтейміз және еліміздің дамуына, қоғамдық келісімге, бейбітшілік пен тыныштыққа қол жеткізе аламыз. Өйткені, Ата Заңымыз – Қазақстан халқының саналы таңдауы, өркендеуінің кепілі.