Мерекенің тарихы 19 ғасырдың ортасынан, Батыстағы әйелдердің өз құқықтары мен бостандықтары үшін күресе бастаған кезінен басталады. 1857 жылы 8 наурызда Нью-Йоркте әйелдер теңдігі туралы ұрандармен митинг өтті. Бұл күні 15 000-нан астам әйел жұмыс уақытын қысқарту, жалақыны жақсарту, сайлау құқығын және балалар еңбегін жоюды талап етіп, қала бойынша шеруге шықты.

1910 жылы Копенгагенде (Дания) дүние жүзіндегі социалистік ұйымдар шақырған халықаралық конференция өтті. Социалистік интернационал конференциясы әйелдер күнін халықаралық мерекеге айналдыруды ұсынды, бірақ мерекенің нақты күні әлі белгіленбеген. 

8 наурыз бірден ресми мерекеге айналған жоқ. 1914 жылға дейін әртүрлі елдерде бұл мереке наурыз айының әртүрлі күндерінде де тойланды. Осыдан кейін мерекенің әлемдік танымалдығы КСРО-ны қоспағанда, төмендей бастады. 1966 жылы КСРО аумағында бұл күн демалыс және жұмыс емес күн болып түпкілікті бекітілді.

Бүгін, 8 наурыз мереке барлық посткеңестік елдерде, соның ішінде Қазақстанда да тойланады, қазіргі кезеңде бұл мереке енді саяси салдарларға алып келмейді. Бұл күні қазақстандықтар туған-туыстарын құттықтайды: олар дәстүр бойынша аналарға, әйелдерге, қыздар мен апа-қарындастарға гүл шоқтары мен сыйлықтар береді.

Көкшетау қаласының мемлекеттік архивінің ұжымы барша қыз-келіншектерді 8 наурыз көктем мерекесімен құттықтап, тамаша мерекелік көңіл-күй, отбасылық бақыт, амандық, денсаулық тілейді!!!